Ĉiumonata prelegserio per Zoom

Zsófia KÓRÓDY kaj Ilia Dewi (15 Aŭg)

La 3-an dimanĉon de ĉiu monato
16:00 – 18:00 Sidnej-tempe (UTC+10)

Programo

15 Aŭgusto

16:00: Esperanto-urbo Herzberg 15-jara: ideoj realigitaj – Zsófia KÓRÓDY (Germanio)
Zsófia gvidos nin en virtuala ekskurso tra Herzberg am Harz, Germanio, okaze de la 15-jara datreveno de la ubo kun Esperanto-historio. Ŝi mallonge prezentos kiel Esperanto-urbo Herzberg ekestis, kaj rerigardos gravajn evolupaŝojn, kiuj kontribuis al la “verdigo” de la urbo, kaj al la apero de daŭripovaj, publike videblaj rezultoj. Ŝi raportos pri la konstanta stabilig-agado fare de Esperanto-Centro Herzberg, rakontos pri ĝiaj planoj kaj diskutos pri novaj, realigeblaj ideoj, sponsorado kaj internaciaj kunlaborebloj.

17:00: Esperanto-podkasto en la Indonezia – Ilia Sumfila DEWI (Indonezio)
Ilia estas aktiva movadano, kiu klopodas utiligi diversajn manierojn por reklami Esperanton al indonezianoj. Pro la pandemio, ŝi trovis, ke multajn senpagajn kursojn oni povas virtuale partopreni. Tial ŝi lernis pri podkastoj kaj kiel facile krei ilin. Ĉar plejparte de la podkast-auŝkultantoj en Indonezio estas gejunuloj, ŝi opinias, ke estas bone utiligi ilin por reklami Esperanton. En sia prezentaĵo, ŝi volas montri kiel ankaŭ vi povos krei vian Esperanto-podkaston.

Se vi deziras partopreni, aŭ se vi mem volus prezenti ion, bonvolu sendi mesaĝon al:
prezidanto@esperanto.org.au

Antaŭaj sesioj

18 Julio 2021

AMO: De 2014 ĝis Oceanio – Stefan MacGill (Hungario)
La AMO-programo de UEA naskiĝis en marto 2014 per la unua seminario en Hungario. Ĝis la fino de 2014, seminarioj okazis en kvar kontinentoj – mankis nur la kvina. Finfine, komence de 2020, la programo atingis Oceanion per la 62a seminario en Aŭklando, Nov-Zelando.
Magia spektaklo – Fukuda TOSHIRO (Japanio)
Fukuda estas senlandlima magiisto. Li jam montris sian mirindan prezentaĵon al infanoj (kaj plenkreskuloj) ĉirkaŭ la mondo. Li vizitis orfejojn, rifuĝejojn kaj lernejojn en multaj landoj, inkluzive de Etiopio, Afganio, Sirio, Irako kaj Tibeto. Dum tiu prezentaĵo, li ankaŭ klarigas kelkajn ideojn pri magio.

20 Junio 2021

Lingvaj esploroj en la malnova konga reĝlando – Heidi Goes (Belgio)
Heidi Goes esploras ekde novembro 2014 pri la Konga Lingvaro (Kikongo Languages Cluster), kadre de siaj doktorigaj esploroj, kiuj nun estas preskaŭ ĉe la fino. Post enkonduko pri la lingvaro, ŝi rakontas pri la esploroj surloke en Kongolando kaj precipe Angolo. Sekvas prezento de parto de la rezultoj de la esploro: pri la lingvoj parolataj en la provinco Kabindo (Angolo), pri vokalharmonio en verboj, kaj pri la diversaj ebloj formi diminutivojn uzatajn en la lingvaro.
Traduko de poezio – ĉu ĝi vere perdiĝas? – Nicolau Dols Salas (Majorko/Hispanio)
Nicolau Dols Salas estas profesoro pri kataluna filologio en Universitato de Balearaj Insuloj (Universitat de les Illes Balears). Li estas ankaŭ membro de Filologia Sekcio de Institut d’Estudis Catalans, la oficiala lingva akademio de la kataluna. Li mastriĝis kaj doktoriĝis unue pri fonologio, kaj poste mastriĝis pri Orientaj Aziaj Studoj. Liaj esplorinteresoj estas fonologio, gramatiko kaj sociolingvistiko. Ekde 2014 li instruis la programon de Interlingvistikaj Studoj ĉe Universitato Adam Mickiewicz en Poznano.

16 Majo 2021

La evoluo de la Esperanto-movado en Azio kaj Oceanio post 2000 – So Jinsu (Koreio)
So Jinsu prezentas la trian kaj lastan parton pri la historio de Esperanto en Azio.
Esperantlingva bildo de la mondo – Ilona Koutny (Hungario/Pollando)
Tiu prelego levas la demandon pri la rilato inter lingvo kaj pensado, kiel speguliĝas kulturo en la lingvo, ĉu esperantistoj havas similan lingvan bildon de la mondo kaj, surbaze de esploro, provas doni interesajn respondojn.

18 Aprilo 2021

La strategio de la Esperanto-movado en Azio, 1989–1995 – So GILSU (Koreio)
La dua parto de la esplorado de la historio de Esperanto en Azio.
Esperanto-instruado: iom el mia sperto en aziaj landoj – Tatjana LOSKUTOVA (Rusio)
“De post la vizito en Ĉinio (la 89a UK, en 2004) kaj la vojaĝo al Japanio (la 92a UK, en 2007) mi sopiris pri Azio. Tamen ne nur ekzotikeco logis min, sed ankaŭ emo helpi al lokaj esperantistoj integri kaj disvastigi la Internacian Lingvon en socian kaj kulturan vivon. Rezulte: Esperanto-instruado en sep aziaj landoj.”
Rimarku: Pro neeviteblaj tialoj, la sonkvalito ne estas bona. Ni pardonpetas.

21 Marto 2021

La azia Esperanto-movado en la komenco: 1965–1990 – So GILSU (Koreio)
La unua parto de tri prelegoj pri la Esperanto-movado en Azio/Oceanio.
Rekrei la paradizon – Paulo S VIANA (Brazilo)
La mondkonata brazila fotografiisto Sebastião Salgado kaj lia edzino Wanick Salgado de pluraj jaroj engaĝiĝis en ampleksan projekton por rearbarigi la Atlantikan Arbaron, en Brazilo – gravan ekologian sistemon, kiun la homoj jam detruis je 90 procentoj de ĝia areo. Ilia agado inspiras aliajn homojn fari la samon kaj estas internacie rekonata.

21 Februaro 2021

Amnestio Internacia – Trevor Steele (Aŭstralio)
Trevor klarigas la komencon, la historion, la celojn kaj la principojn de tiu mondfama asocio, kaj mencias kelkajn el ĝiaj atingoj.
Kiu mi estas? DNA por genealogio – Joanne Johns (Aǔstralio)
Aǔdu pli-stranga-ol-fikcian rakonton pri naǔ-jara serĉo por unu amorema ŝipano. Ĉu eblas trovi familianon sen eĉ nomo?
RIMARKU: Pro kialoj de privateco, tiu prelego ne estas spektebla en YouTube.

20 Decembro 2020

ACM: Afrika Centro Mondcivitana – François HOUNSOUNOU (Benino). ACM Benino estas ne-registara organizo neprofitcela. Ĝi havas duoblan rolon: edukado kaj Esperanto. François klarigas ĝian rolon. [Rimarku: Bedaŭrinde, la son-kvalito de la originala prelego – pro malbona retkonekto – estis tro malalta, do tio estas re-registraĵo.]
Iniciato Komunikadmasko – Rainer Kurz (Germanio). Rainer fondis la iniciaton komunikadmasko.org. La neprofitcela teamo disvolvas travideblajn maskojn kontraǔ KOVIM-19, por ke ni baldaǔ povos rekomenci normalan vivon ne endanĝerigante aliajn.

15 Novembro 2020

Eldonejo Lorenz: 45 jaroj disvastigante spiritismon kaj Esperanton – Alvaro Motta (Brazilo)
La filipina lingvo: krizo pri identeco? Kurioza produkto de kolonia memoro – Albert Stalin Garrido (Filipinoj)
La filipina lingvo, oficiale la nacia lingvo de Filipinoj, havas kuriozan elementon: ĝi estas konfuza mikso de pluraj lingvoj, lokaj kaj fremdaj. Kiel tio efikas sur ĝiajn parolantojn? Ĉu vi povos kompreni kelkajn frazojn? Rigardu la kuriozan lingvopolitikon en Filipinoj, mem spuron de jarcentoj de koloniaj radikoj.

18 Oktobro 2020

MAS (Monda Asembleo Socia) – Pere de bildoj, Eddy Raats (Belgio) klarigas la statutojn de MAS, poste parolas pri MAS-eldonoj kaj montris la kovrilojn de kelkaj novaj eldonoj. Fine li prezentas kelkajn el siaj verkoj kaj parolas pri sia nuna projekto.
KER ekzamenoj – Szabolcs SZILVA (Hungario/Pollando) klarigas la signifon de KER-ekzamenoj kaj gvidas kelkajn interagajn taskojn kun la partoprenantoj. Li ankaǔ prezentas sian novan libron, Pri Kio Temas.(Atentu: Szabolcs SZILVA ne oficiale reprezentas la KER-teamon.)

20 Septembro 2020

Mia esperantista vivo – Fama esperantisto Carlo Minnaja esploras sian tre varian esperantistan vivon kaj ankaŭ aludas al kelkaj ne-esperantistaj partoj.
Asocio de Verduloj Esperantistaj (AVE)Manfred Westermayer el Germanio prezentas la historion, la evoluon, la celojn, atingojn kaj la nunan situacion de AVE. Informo pri AVE

16 Aŭgusto 2020

Historiaj pandemioj kaj la sekvojTrevor Steele (Aŭstralio)
Kenwood House: historia domego en norda LondonoAnna Löwenstein (Britio). Anna estas volontulo (en pli feliĉaj tempoj) ĉe Kenwood House en norda Londono. Tiu bela domego estas nun plena je elstaraj artaĵoj el la 17a ĝis 19a jarcentoj. Anna montras kelkajn el la plej gravaj pentraĵoj, kaj rakontas iujn neatenditajn faktojn pri la homoj, kiuj loĝis tie antaŭ 250 jaroj.

19 Julio 2020

Monato – 40 jaroj: La historio de la mondfama Esperanta revuo – Paŭl Peeraerts (Belgio), ĉefredaktoro de Monato
La ĉefaj sociosciencaj kialoj kaj efikoj de KOVIM-19, kaj kiel Hungario sukcesis trakti la epidemion – D-ro Márkus Gábor (Hungario), ekonomikisto kaj verkisto

Venonta datoj

19 Septembro 2021
17 Oktobro 2021
21 Novembro 2021
19 Decembro 2021

Kongreso 2021 en YouTube

Bildetoj de 5 filmetoj
Spektu la prelegojn kaj aliajn sesiojn de la Aŭstralia kaj Nov-Zelanda virtuala kongreso kaj somerkursaro de Esperanto, en YouTube.

Bonvolu spekti, ŝati, kaj meti komentojn.

Viziti la Kanalon de “Esperanto Australia” en YouTube

Efike prelegi

De Jonathan Cooper, sabaton, la 9-an de januaro 2021.
Kiam la programo PowerPoint lanĉiĝis en 1989, ĝi donis al homoj potencan ilon por prelegi kaj prezenti. Tamen, kun tiu potenco venis danĝero. Ne longe poste aperis la esprimo “Mortigo per PowerPoint”. Ĉefaj aferoj, kiuj kontribuas al tiu fenomeno, inkluzivas konfuzajn grafikojn, lumbildojn kun tro da teksto, kaj prelegantojn, kies ideo pri bona prezentado estas laŭtlegi plurajn lumbildojn. Ĉi tiu mallonga prelego ampleksas: kiel plani kaj strukturi vian prelegon, kiel kapti la intereson de via spektantaro, kaj plurajn teknikajn konsilojn.

Kuiri kun Helen

Demonstro de kuirado de Helen Palmer, sabatojn, la 9-an kaj 12-an de januaro 2021.
En parto 1, Helen montras kiel prepari majonezon. En parto 2, ŝi kreas farĉitajn ovojn.

Indiĝenaj lingvoj en Aǔstralio

De Sandor Horvath, sabaton, la 9-an de januaro 2021.
Sandor klarigas la historion kaj la nunan situacion de Aborigenaj lingvoj en Aǔstralio.

Esperanto-instruado: iom el la sperto

De Tatjana Laskutova, sabaton, la 9-an de januaro 2021.
Tatjana parolas pri sia Esperanto-instrusperto en kvin eŭropaj landoj kaj Sovetunio/Rusio.
Rimarku: Pro neeviteblaj tialoj, la sonkvalito ne estas bona. Ni pardonpetas.

La abeloj kaj la nevidebla

De Istvan Ertl, sabaton, la 9-an de januaro 2021.
István prezentas la libron de aǔstra verkisto Clemens Setz, Die Bienen und das Unsichtbare (La abeloj kaj la nevidebla), kiu temas pri artefaritaj lingvoj, precipe Esperanto, kaj antaŭ ĉio pri ilia beletro. Clemens estas fama aŭtoro kun sufiĉe vasta legantaro fidela, kaj li estas absolute ravita de Esperanto, kiun li ankaǔ bone lernis. Istvan korespondas kun li parte en Esperanto.

EUROKKA, Vinilkosmo kaj Esperanto-muziko

De Floréal Martorell, sabaton, la 9-an de januaro 2021.
Vinilkosmo estas eldonejo kaj vendejo de Esperanto-muziko, prizorgata de Floréal Martorell. En la plurlingva retejo de Vinilkosmo eblas rekte mendi ties eldonaĵojn kaj aliajn vendatajn kompakt-diskojn kaj kasedojn. La unuaj eldonaĵoj de Vinilkosmo aperis en 1990 (kompilo de Amplifiki kaj La Rozmariaj Beboj) kaj 1995. Intertempe eldoniĝis pli ol 140 muzikalbumoj. Fine de 2015 Vinilkosmo lanĉis ABONKLUBO-n por aliro al sia esperanta muzik-katalogo per justa elsendfluo ĉe diMusic (Muzik Diverseco).

UEA-prezidanto respondas

La prezidanto de la Universala Esperanto-Asocio, Duncan Charters, respondas al diversaj demandoj, dimanĉon, la 10-an de januaro 2021.
Duncan verkis novjaran mesaĝon en la januara numero de la revuo, Esperanto.

Koloroj

De Jonathan Cooper, dimanĉon, la 10-an de januaro 2021.
Jonathan, eksa artmuzea klerigisto, prelegas pri la scienco kaj arto de la miksado kaj percepto de koloroj.

La asocio Nova Familio kun siaj georfoj

De Betti Maul, dimanĉon, la 10-an de januaro 2021.

La granda periodo de la Benina historio

De François Hounsounou, dimanĉon, la 10-an de januaro 2021.
Benino estas malgranda lando, gvidita de diversaj reĝoj. Ĝi havas kvindek ses lingvojn kaj diversajn religiojn.

TEJO – Sinprezento

De estraranoj de TEJO, Charlotte Scherping Larsson, Rogier Huurman kaj Albert Stalin Garrido, dimanĉon, la 10-an de januaro 2021.
Tutmonda Esperantista Junulara Organizo (TEJO) estas organizo de junaj esperantistoj kun individuaj membroj, kaj landaj kaj fakaj sekcioj, en pli ol 40 landoj. TEJO estas la jure memstara junulara sekcio de Universala Esperanto-Asocio. Ĝi prezentas sin por diskonigi sian agadon, varbi novajn membrojn kaj patronojn, kaj malfermi potencialajn kunlaborojn inter ĝi kaj esperantistoj de Oceanio.

SAT preskaŭ centjara!

De Vinko Markovo, dimanĉon, la 10-an de januaro 2021.
Sennacieca Asocio Tutmonda (SAT) fondiĝis dum aŭgusto 1921, do festas sian centjariĝon okaze de la venonta sudhemisfera vintro. Post rapida skizo pri ĝia historio, Vinko Markovo, prezidanto de la Plenum-Komitato de SAT, prezentas la nunan funkciadon kaj lastatempajn atingojn de de la asocio. Li ankaŭ respondas al demandoj de la partoprenontoj.

Demandoj kaj respondoj de Humphrey Tonkin

Humphrey Tonkin, eks-prezidanto de UEA kaj estrarano de la Centro de Esploro kaj Dokumentado pri Mondaj Lingvaj Problemoj (CED), respondas al diversaj demandoj., lundon, la 11-an de januaro 2021.

Permakulturo

De Mara Molnja, lundon, la 11-an de januaro 2021.
La grundo eroziiĝas, la klimato plivarmiĝas, kaj al multaj mankas akvo kaj manĝaĵo. Ĉu solvo ekzistas kontraŭ problemoj prohomaj? Mara prelegas pri permakulturo, la maniero agi kun la naturo, ne kontraŭ ĝi, kaj esploras eblecojn por la estonteco.

Amuza vojaĝo tra filozofio

De Jonathan Cooper, lundon, la 11-an de januaro 2021.
Jonathan faras nemetodan esploradon pri kelkaj aspektoj de filozofio.
[RIMARKU: Bedaŭrinde, registrado de la originala prelego ne okazis, do ĉi tio estas nova registraĵo, sen demandoj kaj respondoj.]

Aŭstralio kaj Nov-Zelando en 2021, kaj poste

De David Ryan, lundon, la 11-an de januaro 2021.
Diskuto pri kelkaj eblaj ŝanĝoj en nia socio en Aŭstralio kaj Nov-Zelando en 2021 kaj en postaj jaroj.

La kosma programo, Artemiso

De Carlos Spinola, lundon, la 11-an de januaro 2021.
Ambicia plano por kunhoma luna esplorado rigardante Marson. En decembro 1972 finiĝis la projekto Apolono, kiu alportis homon al rekta esplorado de Luno. Nun, post 48 jaroj, jam estas survoje nova ambicia programo por konstante daŭrigi ĝin, la programo Artemiso, ĝemelfratino de Apolono. Carlos prezentas la kuntekston de tiu programo, kiel la evoluon de scienco, teknologio kaj spaca industrio en la lastaj jaroj, kaj la partoprenon de privataj kompanioj en la kosma esplorado. Li ankaŭ parolas pri la esencaj punktoj de Artemiso: la Haloa orbito, kie situos nove dezajnita internacia kosmoŝipo nomiĝinta “Enirejo al profunda kosmo” (DSG), la dezajno de reuzeblaj surlunigiloj (ventontan februaron estos decidita la gajninto/j), la proponoj de lunaj surfacaj esploragadoj, la plano de la planitaj lanĉoj dum la venontaj jaroj, ktp. Pri Carlos Spinola

ILEI: Tutmonda ligo kun gigantaj taskoj

De Mireille Grosjean, lundon, la 11-an de januaro 2021.
Mireille estas prezidantino de ILEI (Internacia Ligo de Esperantistaj Instruistoj) de 2013. ILEI prizorgas regulajn taskojn kaj lanĉas projektojn. La Ligo eldonas librojn kaj fruktodone kunlaboras kun edukado.net. Tiel la instruistoj ricevas efikan subtenon.

Videoludoj kaj la traduko

Prelego kaj laborsesio gvidita de Mara Molnja kaj Cam Burton, mardon, la 12-an de januaro 2021.
En la tagoj de Zamenhof, neniu esperantisto povus antaŭvidi la komputilon kaj ĝiajn ŝanĝojn al la amuziĝo. Kiel ni povas nun disponigi Esperantaĵojn ene de la videoluda medio? Mara kaj Cam esploras la virtualan tradukadon, kaj gvidas kuntradukadon de fama videoludo.

Apokalipsaj paroloj kaj koincidoj

De Paul Desailly, mardon, la 12-an de januaro 2021.
La koneksoj inter la bahaa kredo kaj la Esperanto-movado karakterizas la bazon de tiu parolado, la diferencojn inter bahaismo kaj aliaj mond-religioj, kaj kial tre malmultaj bahaanoj esperantistiĝas.

Cikadoj: La sono de somero en mia ĝardeno

De Terry Manley, mardon, la 12-an de januaro 2021.
Ĉi-jare (2021) la cikadoj multnombras en la ĝardeno de Terry kaj en multaj lokoj tra Nova Sud-Kimrio. Por iuj la zumado de la cikadoj alvenigas la aŭstralian someron. Kiaj estas tiuj insektoj?

La Esperanto-movado en Orienta Timoro/Timor Leste

De Cornelio dos Santos Verdial, mardon, la 12-an de januaro 2021.
• Kie estas Orienta Timoro?
• Kiam komencis Esperanto en Orienta Timoro?
• Kiel funkcias Esperanto en Orienta Timoro?

Vivo de “Germanaj Specialistoj” en Sovetunio en la jaroj 1946 ĝis 1958

De Emma Breuninger, mardon, la 12-an de januaro 2021.
Post la Dua Mondmilito, ĉiuj kvar venkintaj potencoj (Usono, Britio, Francio kaj Sovetunio) tre interesiĝis pri la scio de germanaj sciencistoj. En la frua mateno de la 22a de oktobro 1946 pluraj mil sciencistoj (inĝenieroj, teknikistoj, fizikistoj, kemiistoj, ktp.) en la Soveta Okupata Zono (posta GDR) kaj Orienta Berlino estis vekigitaj pere de sovetaj soldatoj, kiuj legis al ili dekreton de Stalino, laŭ kiu ili estis devigataj al 5 jaroj da laboro en Sovetunio. Kelkajn horojn poste ili jam estis en la trajno. La familianoj devis akompani ilin. De 5 jaroj fariĝis pli ol 11 jaroj. La lastaj “specialistoj” ne povis reveni hejmen ĝis 1958. Unu el ĉi tiuj familioj estas tiu de Emma Breuninger. Ŝi mem naskiĝis dum tiu tempo en Moskvo.

Efika diskonigado kaj instruado de Esperanto en la reto

De Adonis Saliba, merkredon, la 13-an de januaro 2021.
En la lastaj jardekoj, la Esperanto-movado ŝanĝis siajn bazojn de kontaktoj favore al la retaj. Certe, la estontaj esperantistoj estas en la reto kaj ni devas atingi ilin per efika anoncado kaj akceptprogramo. “Programo Mia Amiko” (PMA), bazita en Brazilo, neligita al iu ajn tradicia institucio, jam de 9 jaroj faras tiun taskon surbaze de volontula servo, senpaga diskonigado, vivelsendaj lecionoj kaj internaciaj virtualaj kunvenoj.

Montru kaj rakontu

Diversaj homoj montras interesajn objektojn kaj parolas pri ili, merkredon, la 13-an de januaro 2021.

La iniciato “Laboro por rifuĝintoj”

De Rainer Kurz, merkredon, la 13-an de januaro 2021.
En 2015, Rainer Kurz kun kvar studentoj de Universitato de Stuttgart-Hohenheim kreis interretan merkatejon por rifuĝintoj kaj entreprenoj, kiu ŝatas dungi rifuĝintojn. La projekto recevis diversajn premiojn. Multaj ĵurnaloj in Germanio, Francio, Aŭstralio kaj Esperantujo raportis pri ĝi. Rainer ankaŭ parolas pri sia sperto krei propran agadon por helpi rifuĝintojn.

Ŝparporketoj: Kiel kaj kial mi kolektas ilin

De Gražina Opulskiene, merkredon, la 13-an de januaro 2021.
Gražina el Litovio jam dum tri jardekoj kolektas ŝparmonujajn porkojn. Ŝi prezentas kelkajn kaj klarigos sian amaferon kun la porkoj.

Aŭstralia kaj Nov-Zelanda virtuala kongreso kaj somerkursaro 2021

12 esperantistoj

Pro la daŭraj limigoj pri vojaĝoj kaj kunvenoj rilate al KOVIM-19, la kongreso okazis tute interrete.

Datoj kaj horoj

Sabato, 9-a de januaro – merkredo 13-a de januaro 2021 UTC+11

Filmetoj

Filmetoj de la prelegoj kaj aliaj sesioj estas spekteblaj en YouTube. Vidi la filmeto-liston >

Programo

Inkluzivis: klasoj de Esperanto en 3 niveloj (Komencantoj inkluzive de infanoj almenaŭ 8-jaraĝaj, Progresantoj kaj Spertuloj) kaj prelegoj pri Esperanto kaj aliaj temoj

Rigardi la detalan programon

Kotizoj

Membroj de AEA aŭ NZEA: Senpaga, tamen ni kuraĝigis homojn fari mondonacon.
Ne-membroj: Ankaŭ senpaga, aŭ pagu tion, kion vi povis.

Instrusitoj kaj prelegantoj

Eminentaj esperantistoj de Aŭstralio kaj Nov-Zelando, kaj ĉirkaŭ la mondo, instruis kaj prelegis, inkluzive de Trevor Steele, Duncan Charters (prezidanto de UEA), Vinko Markovo (prezidanto de SAT), Mireille Grosjean (prezidanto de ILEI) kaj Humphrey Tonkin.

Kiel ĝi funkciis

Ni uzis Zoom kaj Jitsi (kiel uzita en Virtuala Kongreso de UEA).
Zoom devas esti instalita (senpage), tamen Jitsi funkcias sur iu ajn moderna komputila retumilo. Se vi intencis partopreni per tabulkomputilo (ekz-e, iPad), ĝi devis havi Jitsi-apo (ankaŭ senpage) instalita.

Unu interesa ideo estis, ke lokaj grupoj organizu ĉeestajn kunvenojn, kie ili povas kune partopreni, almenaŭ dum parto de la kongreso.

En la fotaro (de supra-maldekstre): Humphrey Tonkin, Mireille Gosjean, Trevor Steele, Duncan Charters, Marc Schmidt, Mara Molnja, Carlos Spinola, Emma Breuninger, Sandor Horvath, Franciska Toubale, Vinko Markovo, Helen Palmer

Virtuala Unu-taga Kongreso

Dimanĉon, la 7-an de Junio 2020
Per Zoom

ĜISDATIĜO 11-jun-2020: Spektu Videaĵojn
5 Esperantists

Duncan Charters, Katalin Kováts, jOmO, Renato Corsetti, Keyhan Sayadpour

AEA organizis virtualan vintran kongreson dum la tuta tago.

Ni havis la jenajn eksterlandajn prezentantojn:
• Duncan Charters, Usono
• Katalin Kováts, Nederlando
• jOmO, Francio
• Renato Corsetti, Britio
• Keyhan Sayadpour, Irano

Ni ankaǔ oraganizis kelkajn lingvo-klasojn por komencantoj.

Partoprenado estis SENKOSTA. Oni povis partopreni la tutan tagon aǔ elekti nur kelkajn sesiojn.

PROGRAMO

[Tempoj laŭ orienta Aŭstralio (UTC+10:00)]

08:30
Malferma “ceremonio”: Bonveno, klarigoj pri la programo

09:00
Esperanto dum KOVIM-19 – Duncan Charters, Usono (prezidanto de UEA)

10:00
La Enciklopedio de Adam Lindsay Gordon – John Adams kaj la Esperanto-Kafoklubo de Torquay

10:30
Fama-nekonata virino el Adelajdo – Katja Steele, Aŭstralio

10:45
Kvizo: Lingvoj kaj geografio – Benno Lang, Aŭstralio

11:00
Kafopaŭzo

11:30
La pandemio KOVIM-19 kaj la sansistemo en Irano – Keyhan Sayadpour, Irano (prezidanto de la Irana Esperanto Asocio)

12:30
Tagmanĝo

13:30
Taglibroj el la Infero: kronikoj de Viktor Klemperer – Trevor Steele, Aŭstralio
Viktor Klemperer estis judo, kiu mirakle travivis la 12 jarojn de Hitler.

14:30
Montessori edukado – Penny Vos, Aŭstralio
Kio ĝi estas, kaj kiel ĝi prezentas eblecojn kaj por kaj per Esperanto

15:30
Kafopaŭzo

16:00
Gravaj eroj pri la instruado de Esperanto – Katalin Kováts, Nederlando

17:00
Kiel mi verkas kantojn – jOmO, Francio (mond-fama kantisto)

18:00
Vespermanĝo

19:00
La angla kaj Esperanto – Renato Corsetti, Britio

20:00 → 
Neformala babilado

2020 kongreso: komentoj kaj fotoj

Aǔstralia kaj Nov-Zelanda Kongreso kaj Somerkursaro – Aŭklando, Nov-Zelando (10a – 19a Januaro 2020)

La Kongreso kaj somerkursaro 2020 okazis ĉe St Francis Retreat Centre, 50 Hillsborough Road, Mt Roskill, Aŭklando, Nov-Zelando.

Niaj specialaj gastoj estis Duncan Charters, la nova prezidanto de UEA, kaj Stefan MacGill, fama verkisto kaj eks-vicprezidanto de UEA (2013–2019). Inter la programeroj estis ludvespero, tuttaga ekskurso al belaj naturaj lokoj proksime al la urbo, gvidata vizito al Aŭklanda Art-Galerio, kaj seminario por “Aktivula Maturigo” (AMO), kiu temis pri trejnado por altigi kapablojn de niaj aktivuloj.

Elŝutu tutan programon (304 KB PDF)

Grupfoto de kongresanoj
Malantaŭa vico: (de maldekstro) 1. Paŭlo Garwood, 2. Helen Palmer, 3. Georgia Naish, 4. Cecily Lee, 5. Vicky Crickett, 6. Rouan Van Ryn, 7. Franciska Toubale, 8. Emma Breuninger, 9. Chris Krageloh.
Meza vico: 1. Martin Purdy, 2. Don Rogers, 3. Vere Williams, 4. Penny Vos, 5. Ivan Pivac, 6. David Dewar, 7. Karlo Egger, 8. Berni Heinze, 9. Michael Carney, 10. Erin McGifford, 11. Eileen Jones, 12. Paul Desailly, 13. Cindy Lu, 14. Stephen Pitney, 15. Mara Molnja (Marie Elliott).
Antaŭa vico: 1. Kam Lee, 2. Ellen Thackray, 3. David Ryan, 4. Indrani Beharry-Lall, 5. Sandor Horvath, 6. Bradley McDonald, 7. Jonathan Cooper, 8. Heather Heldzingen, 9. Duncan Charters, 10. Stefan MacGill, 11. Zhang Wei (Wayne).
Mankas en la foto: John Hyndman, Marumi Smith, Gary Smith.
Foto: Kam Lee

Emma Breuninger parolas al la grupo
Emma Breuninger parolas pri “Vivo de ‘Germanaj Specialistoj’ en Sovetunio en la jaroj 1946 ĝis 1958”
Foto: Jonathan Cooper

Homoj ludas ĉirkaŭ cirkla tablo
Ludvespero (unua premio en la Kongresa Foto-konkurso kaj la Popola Elekto)
Photo: Helen Palmer

Vidi pli da fotoj »

Elektitaj komentoj

  • Mi ĝuis la konversaciojn de Stefan kaj lian instruadon. … La kursloko estis tre bona, la manĝaĵo sufiĉe agrabla kaj la programo interesa.
  • Multe da parolado tre helpis prononcadon kaj tuja pensadon. Ĝi multe helpis.
  • La ekskurso al la arta muzeo kun la gvidado de Jonathan estis tre informa kaj plezura. …
    Dum tridek jaroj mi kongresis en multaj landoj de Azio kaj Oceanio. Ĉiuj programeroj kaj distraĵoj kaj ekskursoj kaj manĝaĵoj kaj teatraĵoj kaj aǔkcio ktp de la unua E-evento por 2020, en bela Aǔklando, estis por mi la plej bonaj.
  • Mi ŝategis la kurson kaj kongreson. Finfine la oportuno uzi Esperanton kun pli lertaj kaj pli spertaj esperantistoj. Dankon! Mi lernis multe en la klaso por progresantoj, precipe ĉar Stefan parolis pri vasta vario de temoj, kaj li estas agrabla kaj sperta instruisto.
  • La teatraĵoj estis amuzaj. Estis tre utila komuniki kun Duncan kaj Stefan pri la tutmonda movado kaj renkonti – kaj rerenkonti – anojn de niaj lokaj asocioj.
  • Duncan Charters ege interesa kaj li estas spertulo pri la lingvo kaj la temoj. Ni estis ege bonŝancaj havi lin inter ni. Ĉiu estis bonhumora kaj amikema. La etoso ĉiam estis bonvena.
  • Mi ŝatis la neformalan rakonto-sesion, … la ludojn, la foto-konkurson, kaj arbo-plantadon.
  • Bela etoso de amikiĝo, amikeco, kunlaboro.
  • Mi tre ŝatis ĉi tiun kongreson. La manĝoj estis bonaj. La prezentadoj estis bonaj. La loko, la domoj kaj la ĉirkaǔa kamparo estis bonaj. Mi tre ĝuis komuniki kun multaj aliaj personoj, kiuj tiel bone regis la lingvon. Mi ne povas trovi unu punkton, kiun mi ne ŝatis. Mi antaǔĝuas la venontan kongreson, en kiu mi povas partopreni.
  • Bone, ke Duncan kuraĝigis homojn prezenti ion en la klaso. Tio bone funkciis por la nekutimaj Esperanto-parolantoj ankaǔ prezenti sin.
  • La ludoj multe helpis faciligi la lernadon de Esperanto. Se estus pli da ludoj en lecionoj, mi pensas, ke tio plibonigus la kurson.

Kompliaĵo de ĉiuj komentoj pri la kongreso estas havebla por membroj de AEA aŭ NZEA – sendu retleteron al info@esperanto.org.au

Kvar plenplenaj tagoj en Esperantujo

De Terry Manley (Armidale, NSK)

(Originale publikigita en Esperanto sub la Suda Kruco, vol. 26[2], num. 135, Junio 2019)

6 homoj laborantaj en la arkivo

Mi alvenis Esperantodomen marde vespere, la 23-an de Aprilo, kaj renkontis Franciska, kiu ankaŭ venis helpi pri la arkivo en Esperanto-Domo. Post iom da babilado ni iris butikumi kaj, reirinte al la klubo, ni vespermanĝis. Dmitri lasis por mi matracon kaj littukojn sur la supra etaĝo, kie mi dormis. Estis agrable aŭskulti la fluan, klaran voĉon de Franciska kaj havi oportunon konversacii vidalvide, kio mankas al mi en Armidale.

Je merkreda mateno alvenis Sandor, Jonathan, kaj Heather kun sia nepino, Elizabeth. Do estis sesopo da ni por plenigi la spacon kaj prilabori la arkivon. Post nelonga kunveno… ni eklaboris. Mi skribas “ek” sed tuj estis hezito, konstatante kiom da laboro alfrontis nin por klasifiki, ordigi, elskatoligi, skani, registri, ktp, la enhavon de la ĉambro. Sed decidante, ke vojaĝo de mil paŝoj komenciĝas per la unua paŝo, ni komencis.

Heather kaj Franciska koncentriĝis pri surbretigo laŭorda de la jam numeritaj libroj. Kaj ili ja daŭrigis tion dum tri tagoj, ĉar estis tiom da libroj. Mi gratulas ilin pro tia klopoda fokuso, sen kiu la tasko restus neplenumita. Je la unua tago Sandor kaj Jonathan esploris skatolojn, kiuj enhavis aŭstraliaĵojn, specife fotojn. Ili ankaŭ diskutis pri la sistemo ordigi librojn. Ĉar aliaj jam komencis per la sistemo Dewey ni konsentis daŭrigi tiel. Estas kaj avantaĝoj kaj malavantaĝoj por tiu sistemo en la kazoj de specialaj kolektoj. La Esperanto-kolekto estas tiel ordigita kvazaŭ Esperantujo estas aparta lando, do ne kiel en normala aŭstralia biblioteko.

Je 14:30 ni iris al la ŝtata artgalerio. Per Meetup Jonathan organizis gvidi grupon dum unu horo je 15:00. Nia grupo kaj kvar aliaj – James, Doris, Helen kaj Dmitri – renkontiĝis por la afero. Jonathan montris al ni kelkajn pentraĵojn el la kolekto kaj klarigis kiel oni povas vidi eĥojn de kaj formoj kaj koloroj en iuj pentraĵoj. Li ankaŭ montris la uzon de la “ora proporcio” de iu pentristo. Kvin el ni decidis resti por plurigardi pentraĵojn kaj spekti filmon. La filmo estis “A Touch of Zen” (Nuanco da Zeno) el Tajlando, 1971.

Gvidata esploro ĉe la Art-galerio

Je ĵaŭdo alvenis al E-Domo ankaŭ Alan Turvey. Refoje Heather, Franciska kaj mi daŭrigis la surbretigon de libroj, dum Sandor, Alan kaj Jonathan fotis, enkomputiligis kaj registris fotojn el la skatoloj. Mi sentas, ke la laboro estas kiel memgvidata kurso, dum kiu ni lernis pri la sistemo Dewey, pri kiom da libroj okupas ĉiun kategorion, kaj krome,kiel ade laboris esperantistoj por krei tiun literaturon kaj originalan kaj tradukitan, inkluzive la fakajn librojn. Iuj lernis kiel plej bone utiligi poŝtelefonon por foti aferojn. Ni lernis pri iuj trezoroj de nia kolekto, pri unuaj eldonoj kaj raraĵoj.

En la vespero de ĵaŭdo kvar el ni – Heather, Sandor, Franciska kaj mi – iris renkonti [Esperantiston] Daniel Kane en Epping por vespermanĝi ĉe picejo. Estis vespero de bonhumora babilado, rememorante pasintecon kaj sciiĝante pri intertempaj okazoj.

Vendrede ses el ni (Elizabeth, la nepino de Heather, revenis) laboris pri la arkivo. El la suba ĉambro ŝvebis dolĉaj kantoj de rusa kantgrupo, kiu alvenis por sin ekzerci. Antaŭ ol komenci ni havis oportunon viziti la atelieron malantaŭ E-Domo, kaj la artistojn, kiuj laboras en ĝi. Hugh luis la ejon de la EFNSK ekde 1995 kaj sufiĉe sukcesis por daŭre labori tie. Li arigis komunumon de lokaj artistoj kaj la etoso estas vigla kaj ege interesa por ni.

Poste ni sukcesis pri la enmeto de preskaŭ ĉiuj libroj kun numeroj sur bretojn kaj multe da fotado. Komenciĝis ankaŭ la ordigado de iuj Esperanto-specialaĵoj kiel UEA aferoj: jarlibroj, kongreslibroj ktp. Ni deziras agnoski la laboron de tiuj, kiuj antaŭe prizorgis la arkivon. Ralph Harry, Peter Hai kaj Huigh Malcolm bezonas specialajn menciojn. Multaj el la gazetoj binditaj estas jam surbretaj danke al Huigh.

Je 15:00 ni kunvenis kaj montris kion ni individue faris kaj refoje resumis pri la celoj de la grupo kaj diskutis planon kiel daŭrigi la laboron. Post 16:00 multaj infanoj rusaj alvenis al la klubo por pentri kaj fari aliajn artaĵojn rilate al ties kulturo. Estis bone rimarki, ke la klubo vere vivas per la etendigo al alikulturaj grupoj. En la vespero mi kaj Franciska marŝis al Newtown (Njutaŭn), kie ni manĝis en restoracio kun tajlanda manĝaĵo. Hazarde ni rerenkontis Heather kaj Elizabeth surstrate.

Sabaton mi frue iris al Manlia plaĝo, kie mi ĝoje ludnaĝis en klaraj, glatformaj ondoj. Poste mi renkontis Roger Springer, Sandor kaj Franciska ĉe la Bavaria kafejo. Ne estis kutima sabato por tio [Manlia Esperanto-Klubo], do ni dankas al Roger por alveni renkonti nin kaj por la trinkaĵo. Roger alportis fotoalbumojn de Eunice Graham por doni al la arkivo. Sandor kaj mi adiaŭis ĉar ni iris al lingva festivalo en Gordon, kiun Dmitri organizis. Estis tre amika okazo de ĉ. 20 partoprenantoj. Ni lernis iomete pri la tamila, hindia, araba, tanguta (antikva lingvo apud Mongolio), nederlanda, kaj lingvo de negranda grupo en Rusujo. Dmitri prezentis tiun lastan. Ankaŭ Sandor prezentis pri Esperanto.

Alveninte al E-Domo per la aŭto de Dmitri mi estis preta iom ripozi, sed la klubo estis tiel aktiva, ke ne eblis. En la korto estis grupo da aktoroj kaj helpantoj, kiuj faris filmon en la ateliero. Ili manĝis kaj babilis. Dmitri, kun amiko Sam, gvidis grupon ĉe la supra etaĝo, kiu ludis ŝakon. Mi enrigardis kaj estis 10–12 da tiuj. En la salono sube Richard Delamore instruis Esperanton al 12 junuloj. Vigle li regalis ilin pri la reguloj de la bona lingvo.

Mi cedis al la sento iom malaktivi kaj lasis la ŝakamantojn kaj junulojn al ties okupoj. Mi promenis kun Sandor al sia loĝloko trans la tereno de la universitato. Estis pli trankvilige inter la imponaj sabloŝtonaj konstruaĵoj kun belaj pordarkoj kaj kortoj sen la senĉesa preterpaso de aŭtaro.

Reveninte al la klubo mi trovis ĝin kvieta. Nur restis duopo silente luktanta en la lasta ŝakludo.

Bonan nokton.

Tri-taga arkiva laborkunveno

Inter la 24-a kaj la 26-a de aprilo membroj Jonathan Cooper (Gosford, NSK), Heather Heldzingen (Melburno), Sandor Horvath (Adelajdo), Franciska Toubale (Melburno) kaj Terry Manley (Armidale, NSK) partoprenis la arkivan laborkunvenon ĉe Esperanto-Domo, Sidnejo. Alan Turvey (Wyong, NSK) ankaŭ partoprenis la 25-an.

Ni komencis ordigi librojn, skanis proksimume 800 fotojn kaj multe diskutis kiel aranĝi niajn librojn, revuojn kaj aliajn aĵojn. Kelkaj rezultoj espereble baldaŭ aperos en nia retejo. Kompreneble, restas multaj pli por fari, do se iu volas kaj povas helpi, bonvolu kontakti nin.

Helpantoj en la arkivejo

Dum la posttagmezo de la 24-a, Jonathan gvidis la grupon, plus plurajn aliajn esperantistojn, tra parto de la Art-Galerio de Nova Sud-Kimrio (kie li laboris dum pli ol 30 jaroj).

Grupo ĉe la Art-alerio de NSK

Kvin celoj de la arkivo

1. Konservi la kolekton

Esperanto-Domo estas la plej daŭre havebla loko por konservi la arkivon. Do…
• Ni esploras kiel plej bone konservi la malnovajn raraĵojn en la kolekto
• Ni rekomendas aĉeton de taúgaj ujoj por kaj konservi kaj montri kolekterojn en sekuraj kondiĉoj

2. Diskonigi kaj disponigi la enhavon al la esperantistaro

Plej efike oni uzus la interreton, sed tio dependas de rimedoj kaj homaj kaj teĥnikaj. Do…
• Ni registru la enhavon en la retejo
• Ni fotu, kie taŭgas
• Ni skanu raraĵojn
• Ni pruntedonu por studesploroj

3. Propagandi per arkivaĵoj

• Ni ekspozicii raraĵojn, aŭ rete aŭ fizike (en taŭgaj ujoj), por propagandi

4. Aldoni aĵojn al la kolekto

• Ni serĉu mankojn en la kolekto, aparte pri Aŭstralio, kaj petu esperantistojn por donacoj

5. Kribri la kolekton

• Ni apartigu neraraj duoblaĵojn: aŭ metu ilin en la bibliotekon aŭ – se tiuj estas superfluaj – ofertu ilin al kluboj aŭ individuoj

– Jonathan Cooper kaj Terry Manley