<< Menu >>
forcefetish.net

Kio estas Esperanto?

Esperanto estas lingvo, sed estas speciala lingvo. Ĝi estis pripensita je la fino de la 19-a jarcento. Ĝi estis farita specife por faciligi komunikadon inter homoj de malsamaj lingvoj. Ĉar ĝi estis farita por ĉi tiu kialo, oni povas lerni Esperanton tre rapide.

Fakte, Esperanto estas la plej facila el ĉiuj vivantaj lingvoj. Estas nek esceptoj, nek neregulaj verboj.

Tamen, ĝi estas riĉa kaj subtila lingvo: vi povas vere esprimi ĉion per ĝi. Tamen, ĉar ĝi estas konstruita laŭ nur kelkaj reguloj kaj strukturoj – kiuj estas tute logikaj – ni povas lerni ĝin en malmulta tempo. Tuj post enkonduko al la lingvo, komencantoj povas eksperimenti per siaj unaj frazoj en Esperanto.

Tio estas bonega, ĉar anstataŭ malŝpari horojn en la lernado de malsimplaj gramatikaj reguloj, ni havas pli da tempo por dediĉi al aliaj plezuroj kaj gravaj aferoj, kiel komuniki kun aliaj kaj konatiĝi kun novaj amikoj.

Estas ankaŭ pruvite, ke lerni Esperanton helpas lerni aliajn lingvojn. Do, el ĉiu vidpunkto, lerni Esperanton estas avantaĝo.

Aldone al la fakto, ke Esperanto ne apartenas al iu lando, kaj ke ĉiu povas lerni ĝin, ĝi estas senkoste havebla, kaj taŭga, por ĉiu. Ĝi antaŭenigas senton de lingva egaleco, ĉar ĝi estas la dua lingvo de ĉiu, do ĉiuj uzas ĝin kiel egaluloj.

72a-02pm
Esperanta parado dum la Festivalo de Torquay, Torquay, Viktorio, 2009

 

En la mondo venas nova sento,
Tra la mondo iras forta voko.

Esperanta himno – L.L. Zamenhof, la inventisto de Esperanto